,,ენმ“ მოსახლეობას 6 მარტს ,,გაზპრომის“ წინააღმდეგ აქციაში ჩართვისკენ მოუწოდებს

პოლიტიკა - 15:54, 02 Mar, 2016

1273

“ერთიანი ნაციონალური მოძრაობის“ დეპუტატმა სერგო რატიანმა მოსახლეობას პარლამენტიდან მიმართა და 6 მარტს დაგეგმილი „გაზპრომის“ წინააღმდეგ აქციაში ჩართვისკენ მოუწოდა.

„გუშინ ენერგეტიკის მინისტრა კვლავ გააკეთა შეუსაბამო განცხადება, როცა თქვა, რომ გაზპრომთან მოლაპარაკება გრძელდებადადა ალბათ ამ დღეებში ის ქვეყნის საკეთილდღეოდ დასრულდება. მესმის, რომ მთავრობა შეშფოთებულია 6 მარტს დაგეგმილი აქციით, მაგრამ განცხადებები ნათელი მომავლის შესახებ, არ მიიღება.

ჩვენ ვნახეთ, რომ მთავრობა და კალაძე გვატყუებენ, როცა ამბობენ, რომ დივერსიფიკაციასთან გვაქვს საქმე; რომ აზერბაიჯანს არ აქვს ჭარბი გაზი რათა მოგვაწოდონ.

ამდენმა ტყუილმა სახიფათო ზღვრამდე მიგვიყვანა, რითაც თითოეული ოჯახის კეთილდღეობას მიადგა ზიანი. სწორედ ამ ვითარებაში, აუცილებელია საზოგადოებამ გააპროტესტოს და 6 მარტს 2 სათზე ჩაერთოს აქციაში, სიმბოლურ ცოცხალ ჯაჭვში, რომელიც კანცელარიიდან რუსეთის საელჩომდე მოეწყობა. ჩვენ უნდა შევაჩეროთ სააქართველოს ხელისუფლების მავნებლური ქმედება. ივანიშვილმა უნდა იცოდეს, რომ მასსა და რუსეთს შორის ქართველი ხალხი დგას.“ - განაცხადა სერგო რატიანმა.