„მრეწველების“ წევრის ზურაბ ტყემალაძის განცხადებით, იმ შემთხვევაში თუ კოალიციას გოგი თოფაძე დატოვებს, მასთან ერთად ოცნებას დატოვებს „მრეწველთა პარტიაც“. ტყემალაძემ რესპუბლიკელებთან დაპირისპირების მიზეზზეც ისაუბრა და აღნიშნა, რომ ამ კოალიციის წევრ პარტიებს შორის უთანხმოების მიზეზი თავდაცვის მინისტრის უტაქტო განცხადება გახდა:

“თინა ხიდაშელის კომენტარებზე კომენტარს არ ვაკეთებ. გოგი თოფაძე არაფერს არ დატოვებს, თუ პარტია დატოვებს გოგი თოფაძეც მასთან ერთად დატოვებს, თუ თოფაძე დატოვებს პარტიაც მასთან ერთად დატოვებს. ყველამ კარგად იცის დაპირისპირება რამაც გამოიწვია. იმ უტაქტო განცხადებამ, რომელიც თავდაცვის მინისტრმა გააკეთა თოფაძის მიმართ“- განაცხადა ზურაბ ტყემალაძემ.