ხიდაშელი თოფაძის განცხადებების უკან რუსულ კვალს ხედავს, ივანიშვილის ხელს კი გამორიცხავს

პოლიტიკა - 22:18, 01 Mar, 2016

1714

თავდაცვის მინისტრის განცხადებით, მის მიმართ მიზანმიმართული კამპანია მიმდინარეობს.

როგორც ხიდაშელმა "არჩევანში" განაცხადა, ამ კამპანიის უკან, რომელსაც მრეწველები აწარმოებენ ,ეზობელი ქვეყანა დგას და არა ბიძინა ივანიშვილი.
"მათი მიზანია ქართული პოლიტიკური სივრციდან პროდასავლურ ძალებს შეუქმნან პრობლემა. ბოლო დროს გაკეთებული განცხადებები კოალიციის საწინააღმდეგო ქმედება, იმ კოალიციის რომელსაც დეკლარირებული აქვს, პროდასავლური კურსი"- აღნიშნა ხიდაშელმა.
ჟურნალისტის კითხვაზე ხედავს თუ არა პროცესების უკან ყოფილ პრემიერს თავდაცვის მინისტრმა აღნიშნა, რომ ის ამ საკითხს გამორიცხავს.

"ეს ბიძინა ივანიშვილს საწინააღმდეგო ქმედებაა, როგორ შეიძლება კოალიციის დამფუძვნებელი ებრძოლოს იმ პარტიას, რომელიც თავის დროზე წამყვან სუბიექტად დაასახელა. როცა "ქართული ოცნება" იქმნებოდა თოფაძისთვის იქ არავის დაუძახია, ახლა იძახის ბიზნესის პრობლემები მქონდაო, მაგრამ ეს ტყუილია. გოგი თოფაძის ოცნება არ იყო რომ თავდაცვის მინისტრი თინა ხიდაშელი ყოფილიყო, მას არც ის უნდოდა რომ პრემიერის სავარძელი გიორგი კვირიკაშვილს დაეკავებინა. ამ კამპანიის უკან დგანან ძალები და ეს ძალები ჩვენ მეზობელ ქვეყანაში უნდა ვეძებოთ. ის ყველაფერს აკეთებს რომ შეიცვალოს ქვეყნის მიერ არჩეული კურსი"- განაცხადა თინათინ ხიდაშელმა.

მან კიდევ ერთხელ გაუსვა ხაზი, რომ ახალი ხელისუფლების პირობებში თოფაძე არის რიგი დეპუტატი, რომელსაც ერთი ხმა აქვს პარლამენტში.

„მე როდესაც მედავება საქართველოს პარლამენტის წევრი, რომ თურმე, სვანეთიდან, სამეგრელოდან და მთელი საქართველოდან შევკრიბე ადამიანები, ეტყობა ბიძაშვილები, გარანტირებულად სულ ხიდაშლები იყვნენ ეტყობა, რომ თამუნასთვის დაეჭირათ მხარი. უნდა რცხვენოდეს. სირცხვილია, საქართველოს პარლამენტის წევრი გერქვას და ამდენი არ გესმოდეს, რომ არსებობს ელემენტარულად ქაღალდზე არსებული დაწერილი დოკუმენტაცია, რომელსაც ვერ გააყალბებ და, სადაც დაწვრილებით წერია, რამდენი კილო სარეცხი ირეცხება ამ ნაწილში, რამდენი ადამიანი იკვებება. ივანიშვილმა ნომერ პირველ სუბიექტად სწორედ რესპუბლიკური პარტია დააყენა. მრეწველები და თოფაძე არც ერთ მთავრობის ხელმძღვანელს არ დაუპატიჟია მინისტრთა კაბინეტში"- თქვა მინისტრმა.