დათვი "ნუცა", რომელიც გადარჩენისთვის ლეონარდოსავით იბრძოდა- თბილისის ზოოპარკის პოპულარული ბინადარი

სოც.მედია - 14:05, 01 Mar, 2016

4236

თბილისის ზოოპარკი ამერიკული კინოაკადემიის მიერ ლეონარდო დიკაპრიოს ოსკარით დაჯილდოებას ორიგინალურად ეხმიანება და ზოოპარკის ყველაზე პოპულარული დათვის ფოტოს აქვეყნებს:

„და მაშინ, როდესაც სრულიად საადამიანეთი მხიარულმა აჟიოტაჟმა მოიცვა ლეონარდო დი კაპრიოს მიერ ოსკარის მოპოვებასთან დაკავშირებით, არ შეიძლება, ამ მოვლენას ჩვენებურად არ შევეხმიანოთ და დათვის ფოტო არ შემოგთავაზოთ.

ეს ჩვენი დათვია, ნუცა. ლეონარდოს გმირის არ იყოს, ისიც თავის გადარჩენისთვის იბრძოდა და ისიც პოპულარულია, თავისებურად. 13 ივნისის წყალდიდობის დროს გადაღებულმა მისმა ფოტომ, როცა ნუცამ თავს კონდიციონერზე აფოფხებით უშველა, მთელი მსოფლიო მოიარა. ეს კადრი კი იმ მომენტში დავაფიქსირეთ, როცა წყალდიდობის შემდეგ მუნიციპალურ თავშესაფარში შეფარებული უკან, ზოოპარკში დავაბრუნეთ და იმობილიზაციის (დაძინების) მერე ჩვენი ვეტექიმები მის გამოღვიძებას ცდილობდნენ.

ჰო, ნუცა ამჟამად კარგად გრძნობს თავს და მოუთმენლად ელის ახალი ვოლიერის აშენებას ზოოპარკის ახალ ტერიტორიაზე.

და მერე რა, რომ ოსკარი არ აუღია და სავარაუდოდ, ვერც ვერასოდეს აიღებს. ხომ არსებობენ გმირები ჯილდოების გარეშე?“