ფეხბურთელი თავის გადაწყვეტილებას მძიმეს უწოდებს და აცხადებს, რომ მას ამ ნაბიჯის გადადგმა აიძულეს. საქართველოს ნაკრებში 100 მატჩის ჩატარების შემდეგ ფეხბურთელი თვლის, რომ პატივისცემას იმსახურებდა.

"მივიღე გადაწყვეტილება, რომელიც სიმართლე გითხრათ, ძალიან რთული იყო, მე ეს ყოველივე არ მიმაჩნია სწორად და ვთვლი, რომ ეს ცუდი ტრადიცია უნდა დაირღვეს. საჭიროა ღირსეულად გაუშვან ის ფეხბურთელი, რომელიც ასაკშია ან ემშვიდობება ნაკრებს. მინიმუმ ისე მაინც უდა მოხდეს დამშვიდობება, რომ ფეხბურთელს საშუალება ჰქონდეს გულშემატკივარს მადლობა გადაუხადოს და ღირსეულად წავიდეს ნაკრებიდან", - აღნიშნავს კობიაშვილი.