კალაძე: ,,გაზპრომთან" მოლაპარაკება ყოველწლიური პროცედურაა

პოლიტიკა - 19:00, 29 Feb, 2016

1532

საქართველოს ენერგეტიკის მინისტრი, კახი კალაძე, რომელიც ბაქოში, სამხრეთ გაზის დერეფნის მრჩეველთა საბჭოს მინისტერიალში იღებს მონაწილეობას, ინტერნეტგამოცემა „Trend“-თან ინტერვიუში აცხადებს, რომ საქართველო იმედოვნებს აზერბაიჯანისგან ბუნებრივი აირის დამატებითი მოცულობა მიიღოს. მისი სიტყვებით საქართველო რამდენიმე თვეა მოლაპარაკებებს აწარმოებს „შაჰ-დენიზის“ კონსორციუმთან ამ თემასთან დაკავშირებით. კალაძის სიტყვებით, საუბარია დამატებით წელიწადში 400-500 მილიონ კუბომეტრ ბუნებრივ აირზე.

„ვფიქრობ, რომ უახლოეს დღეებში ჩვენ ამ საკითხს დადებითად გადავწყვეტთ,“ - აცხადებს კალაძე.

ჟურნალისტის კითხვაზე „გაზპრომთან“ მიმდინარე მოლაპარაკებების თაობაზე, კალაძემ განაცხადა, რომ ეს ყოველწლიური პროცედურაა.

„ჩვენ ვიღებთ ბუნებრივი აირის ტრანზიტის 10%-ს ყოველწლიურად და ასევე ყოველწლიურად ვაახლებთ ხელშეკრულებას. ეს არ შეეხება აზერბაიჯანტან ურთიეღთობას, რომელიც ჩვენი სტრატეგიული პარტნიორია,“ - ხაზი გაუსვა მინისტრმა.

კალაძე „გაზის სამხრეთის დერეფანსაც" შეეხო და აღნიშნა, რომ ეს მეტად მნიშვნელოვანი პროექტია და საქართველო თავის მხრივ ყველაფერს გააკეტებს, რომ ეს პროექტი 2018 წლიდან ამოქმედდეს.