ხიდაშელი აგვისტოს ომთან დაკავშირებით საქართველოს წინააღმდეგ სარჩელის შეტანას ადასტურებს

პოლიტიკა - 18:44, 26 Feb, 2016

4318

„ნაციონალური მოძრაობის“ ბრალდებებს რესპუბლიკური პარტიის“ წევრმა, საია-ს ყოფილმა თავმჯდომარემ თამარ ხიდაშელმა უპასუხა, როგორც ამჟამად პარლემენტის დეპუტატი ხიდაშელი აცხადებს 2008 წელს, საქართველოს სახელმწიფოს მხრიდან ადგილი ჰქონდა თანამოქალაქეების უფლებების დარღვევას. მისი თქმით, ისევ იმ პოზიციაზე, რჩება, რომ ადამიანის უფლებებს ეთნიკურობა არა აქვს.

"მე ვიყავი საქართველოს ახალგაზრდა იურისტთა ასოციაციის თავმჯდომარე, როდესაც ეს საქმე გაიგზავნა ევროპის ადამიანის უფლებათა სასამართლოში. მაშინაც ამ პოზიციაზე ვიყავი და დღესაც შესაბამის პოზიციაზე ვრჩები, რომ ამ შემთხვევაში საქართველოს სახელმწიფოს მხრიდან ადგილი ჰქონდა ჩვენი თანამოქალაქეების უფლებების დარღვევას. მე ვფიქრობ, ადამიანის უფლებებს ეთნიკურობა არა აქვს, შესაბამისად, ეს საქმეები ნამდვილად იყო გასასაჩივრებელი ადამიანის უფლებათა ევროპულ სასამართლოში და დღესაც მოუთმენლად დაველოდები ამ საქმეზე გადაწყვეტილების გამოტანას", - განაცხადა ხიდაშელმა.

შეგახსენებთ, საქმე ეხება "ნაციონალური მოძრაობის" მიერ ანა დოლიძისა და საია-ს მიმართ დღეს გახმაურებულ ბრალდებებს, რომ 2008 აგვისტოს ომთან დაკავშირებულ საქმეებზე, როგორიცაა, მაგალითად, "სიპოლსი საქართველოს წინააღმდეგ", ახალგაზრდა იურისტთა ასოციაცია რუსეთის მოქალაქეების ინტერესებს იცავდა.