გასული წლის ზაფხულში მარიამ ხორგუაშვილმა და ლაშა კალანდაძემ ჯვარი დაიწერეს. მათი ჯვრისწერის ფოტოებმა სრულიაც სოციალური ქსელი მალევე მოიცვა და მათ ყველაზე ლამაზ ქართველ წყვილადაც მოიხსენიებდნენ. ბოლო დროს სოციალურ ქსელში ისევ გამოჩნდა ლაშას და მარიამის ფოტოები, თუმცა სამწუხარო ამბით. წყვილი ერთმანეთს დაშორდა. ამჯერად კი გავრცელდა ხმა მათი შერიგების შესახებ. მარიამისა და ლაშას ოჯახის ერთ-ერთმა წევრმა ეს ამბავი დაგვიდასტურა და გვითხრა, რომ წყვილი ერთი თვეა უკვე ერთად ცხოვრობს და თავს ძალიან კარგად და ბედნიერად გრძნობენ. მარიამს და ლაშას ჰყავთ პატარა დემეტრე, რომელიც მალე ერთი წლის გახდება.