ხვალ პარლამენტის წევრები 1921 წლის 25 თებერვალს დაღუპლ იუნკერთა მემორიალს გვირგვინით შეამკობენ

პოლიტიკა - 18:04, 24 Feb, 2016

3214

1921 წლის 25 თებერვალს საქართველოს დამოუკიდებლობისათვის ბრძოლაში გმირულად დაღუპულ იუნკერთა მემორიალს პარლამენტის წევრები გვირგვინით შეამკობენ

25 თებერვალს, 11:15 საათზე, საბჭოთა ოკუპაციის დღეს, საქართველოს პარლამენტის თავმჯდომარის მოადგილე ზვიად ძიძიგური და თავდაცვის და უშიშროების კომიტეტის თავმჯდომარე ირაკლი სესიაშვილი 1921 წლის 25 თებერვალს საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალს გვირგვინით შეამკობენ.

ამავე დღეს, საქართველოს პარლამენტის და სხვა სახელმწიფო უწყებების შენობებზე საქართველოს სახელმწიფო დროშა დაეშვება.

1921 წლის 17 თებერვალს, საბჭოთა რუსეთის მე-11 არმიამ ომის გამოუცხადებლად საქართველოს ანექსია მოახდინა. ქართველი იუნკერები თბილისის მისადგომებთან, ტაბახმელა-კოჯორში განლაგდნენ. 1921 წლის 25 თებერვალს საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაეცა.

საქართველოს პარლამენტის 2010 წლის 21 ივლისის დადგენილების თანახმად, ყოველი წლის 25 თებერვალი საბჭოთა ოკუპაციის დღედ არის გამოცხადებული და საქართველოს მთელ ტერიტორიაზე სახელმწიფო დროშები ეშვება.

მისამართი: კოჯორ-ტაბახმელას მისადგომებთან მდებარე იუნკერთა მემორიალი.