ე.წ "კოკაინის საქმე" და კობახიძეები - თედო კობახიძე ბრალდებებს პასუხობს

პოლიტიკა - 15:04, 24 Feb, 2016

3969

„ქართული ოცნების“ ყოფილი იურისტის, კობა კობახიძის მიერ ე.წ „კოკაინის საქმეზე“ გაკეთებულ სკანდალურ განცხადებებს, ბრალდებების ადრესატი თბილისის საკრებულოს წევრი თედო კობახიძე არასერიოზულს უწოდებს. ვიცესპიკერ მანანა კობახიძის ძმა თედო კობახიძე ადასტურებს იმ ფაქტს, რომ კობა კობახიძის ადვოკატად აყვანა ზაუტაშვილების ოჯახს მართლაც მან ურჩია, თუმცა ფულთან მის რაიმე კავშირს გამორიცხავს:

„სიცრუეც არ არის, ეს არის არასერიოზული კაცის უსახური განცადებები, რომელიც არც კი ვიცი რას ემსახურება და ვისგან მოდის, რატომ დაჭირდა კობა კობახიძეს კობახიძეების მიმართ ამ განცადების კეთება და რატომ გამოიყენეს კობახიძე კობახიძის წინააღმდეგ, მე ეს არ ვიცი, სამწუხაროდ ამ ოჯახსაც ალბათ დიდად ვერ წაადგა. რეკომონტაცია გავუწიე კობახიძე ყოფილიყო ადვოკატი, სამწუხაროდ შევცდი ეგეც არაფერი და ამ შეცდომას როგორმე გადააგორებს“- განაცხადა კობა კობახიძემ.

შეგახსენებთ, ქართული ოცნების ყოფილმა იურისტმა, კობა კობახიძემ ე.წ. კოკაინის საქმის სკანდალურ დეტალებს გადაცემა „არჩევანში“ ისაუბრა, მისი თქმით ანასტასია ზაუტაშვილის ადვოკატი თედო და მანანა კობახიძის შუამდგომლობით გახდა, რომელთა მითითებითაც მან ანასტასია ზაუტაშვილსა და ამ საქმეზე სხვა ბრალდებულებს თითოეულს 75 ათასი ევრო მოსთხოვა.