"ბრიტანელი აგენტები ბორის ბერეზოვსკის უთვალთვალებდნენ. MI 5-ის აგენტები თვალთვალს აწარმოებდნენ იმისთვის, რომ დაედგინათ, თუ ვისთან ჰქონდა ურთიერთობა მილიარდერს. დაზვერვას ჰქონდა ინფორმაცია კრემლში ჩამოყალიბებულ გეგმაზე, რომლის მიხედვითაც ბერეზოვკი უნდა მოეკლათ", - ნათქვამია სტატიაში.

ჟურნალისტი მკითხველს საშუალებას აძლევს გაეცნოს სადაზვერვო ჯგუფის გეგმასაც:

"თვალთვალი აუცილებელი იყო იმისთვი, რომ მომხდარიყო ბერეზოვსკისთან კონტაქტში მყოფი პირების იდენტიფიცირება. ისინი დაინტერესებულები იყვნენ იმით, ტრიალებდნენ თუ არა მილიარდერის გარშემო რუსი ქილერები. ამასთანავე, აგენტებმა კარგად იცოდნენ, რომ გამოცდილი მკვლელი მარტივად შეამჩნევდა იმ ფაქტს, რომ ოლიგარქს უთვალთვალებდნენ, ამიტომ განსაკუთრებული სიფრთხილე იყო საჭირო. მსგავსი ქმედებებით, დაზვერვას სურდა გაერკვია ვინ შედიოდა და ვინ გამოდიოდა ოლიგარქის სახლიდან", - აღნიშნავს ჟურნალისტი.

აუცილებელია აღინიშნოს, რომ ამ დროისათვის გამოძიების ფარგლებში,ბერეზოვსკის რაიონში მაცხოვრებლებს რუსი ქილერების ფოტოებს უჩვენებენ, რათა დაადგინონ, იმყოფებოდა თუ არა რომელიმე მათგანი მილიარდერი სახლში.

დიდი ბრიტანეთის ხელისუფლება გაოგნებულია იმ ფაქტით, რომ რუსეთმა შესაძლოა ბერეზოვსკის მოსაკლავად ქილერის გამოგზავნა გაბედა. სანამ ოფიციალურად არ დადასტურდება ფაქტი, კრემლის მიერ ბერეზოვკის მკვლელობაზე, გამოძიება აღნიშნული ვერსიის გავრცელებას განსაკუთრებული სიფრთხილით ეკიდება.