„არავის, მათ შორის მინისტრს არა აქვს უფლება, ბავშვს ლოცვა აუკრძალოს “- დიმიტრი შაშკინი

პოლიტიკა - 20:13, 23 Feb, 2016

10254

განათლების ყოფილი მინისტრი დიმიტრი შაშკინი განათლების სისტემაში მიმდინარე პროცესებთან დაკავშირებით შეშფოთებას გამოთქვამს და თამარ სანიკიძის განცხადებას ეხმაურება, რომლის თანახმადაც „აბსოლუტურად მიუღებელია გაკვეთილების ლოცვით დაწყება.“ როგორც შაშკინი აცხადებს, რწმენა არის ძალიან პირადული, რომელშიც ჩარევის უფლება არავის არ აქვს. „კერძოდ ლოცვა, ზოგადად რწმენა არის ძალიან პირადული. ჩემი სუბიექტური აზრით, არც მინისტრს და არც პედაგოგს უფლება არ აქვს არც აკრძალოს და არც დააძალოს ლოცვა. ყველა ადამიანი მათ შორის ბავშვიც არის პიროვნება, ის არის აბსოლუტურად თავისუფალი დაიწყოს გაკვეთილი ლოცვით, ან არ დაიწყოს. ეს მხოლოდ და მხოლოდ მისი გადასაწყვეტია"- აცხადებს შაშკინი,მისი თქმით, მსგავს სენსიტიურ თემებზე საუბრისას, სახელმწიფო მოხელეებს მეტი სიფრთხილე მართებთ. რაც შეეხება კითხვას, რა ხდება იმ შემთხვევაში, თუკი კლასში მართლმადიდებლების გარდა, სხვა აღმსარებლობის მოსწავლეები არიან, ყოფილმა მინისტრმა უპასუხა: „ლოცვას მე მივიჩნევ ისეთ რამედ, რაც გაკავშირებს ღმერთთან. აქედან გამომდინარე ლოცვა არუნდა იყოს გადაზრდილი სახალხო და საჯარო ღონისძიებაში, აქედან გამომდინარე თუ ბავშვი თავისთვის ლოცულობს, ხაზს ვუსვამ, თავისთვის ლოცულობს ეს არის მხოლოდ და მხოლოდ მისი საქმე . ეს არის ფუნდამენტალური , ყველა ადამიანი არის თავისუფალი, აქედან გამომდინარე ბუნებრივია არის ორი უკიდურესობა: ერთი უკიდურესობა არის ის, რომ ვიღაც ცდილობს ძალიან პირადული საკითხიდან რწმენიდან დადგას სპექტაკლი, რაც აბსოლუტურად მიუღებელია სკოლაში და საერთოდ ცხოვრებაში და მეორე საკითხი არის ის,რომ არცერთ ჩინოვნიკს არ აქვს უფლება შეიჭრას ადამიანის პირად ცხოვრებაში და აუკრძალოს ლოცვა“- განაცხადა დიმიტრი შაშკინმა.