მიწის რეგისტრაციასთან დაკავშირებული კანონპროექტის გამო საზოდაგოებაში გამოწვეულ უკმაყოფილებას საქართველოს ეკონომიკის მინისტრი, დიმიტრი ქუმსიშვილი პრღიდან გამოეხმაურა.

მისი თქმით, საჭიროების შემთხვევაში ეკონომიკის სამინისტრო კანონპროექტს პარლამენტიდან გაიტანს

„ჩვენი მიზანია, რაც შეიძლება მეტი მიწა იყოს კერძო სექტორში რეგისტრირებული და განკერძოებული. ამისთვის შემუშავებული გვაქვს სპეციალური დაფინანსების ინსტრუმენტი, რომელსაც უახლოეს მომავალში წარვუდგენთ ჩვენს მოსახლეობას, კერძოდ, ჩვენს გლეხებს ექნებათ შესაძლებლობა, კვალიფიციური ამზომველის მიერ აზომილი ნახაზი წარადგინონ საჯარო რეესტრში, ხოლო სახელმწიფო აზომვით სამუშაოებს დააფინანსებს. პოლიტიკურ ოპონენტებს მინდა ვუთხრა, რომ ტყუილად ამტვრევენ ღია კარს და პოლიტიკური სპეკულაციები ამ მიმართულებით საჭირო არ არის. ჩვენ ვართ სწორედ ის მთავრობა, რომელიც იცავს კერძო სექტორს და მონდომებულია, რომ კერძო სექტორში იყოს რაც შეიძლება მეტი მიწა“-აღნიშნა დიმიტრი ქუმსიშვილმა.

მისივე თქმით, მიწის რეგისტრაციასთან დაკავშირებულ კონკრეტულ ლიმიტებს და პროცედურებს უახლოეს მომავალში წარუდგენენ მოსახლეობას.