მონიტორინგის ცენტრ „მედიატორის“ დამფუძნებელი, ლევან ხაბეიშვილი სოციალურ ქსელში ავრცელებს ფოტოს, რომელზეც ასახულია კოჯრის გამგეობის ერთ-ერთ ოთახში სამუშაო მაგიდაზე გაშლილი „სუფრა“. ფოტოს გამოჩენამ სოციალურ ქსელში აჟიოტაჟი და საზოგადოების გაღიზიანება გამოიწვია. რა თქმა უნდა, კომენტარებს თუ გადახედავთ აუცილებლად აღმოაჩენთ არა ერთი განაწყენებული ადამიანის კომენტარს, რომელთა აზრით მსგავსი ქმედება დაუშვებელია, რადგან ეს დაწესებულებაა და არა დუქანი.

„საჯარო დაწესებულება, კოჯრის გამგეობა - დუქანი ანუ "შემოიხედე გენაცვალე" მთავარია მჟავე კიტრი აქვთ. პ.ს. თავად უდევთ ეს ფოტო საჯაროდ. არსაიდან "მომიპოვებია"- წერს ლევან ხაბეიშვილი ფეისბუკის პირად გვერდზე.