,,ინტუიცია არ მღალატობს, ზუსტად ვიცი, რომ მოვიგებთ“ - რა გეგმები აქვს სააკაშვილს საქართველოში

პოლიტიკა - 23:55, 21 Feb, 2016

4248

საქართველოს ყოფილი პრეზიდენტი ამბობს, რომ მას საქართველოში კონკრეტული მიზნები აქვს - ამის შესახებ მან ,,განსხვავებულ აქცენტებთან“ ინტერვიუში განაცხდა

,,რა თქმა უნდა... საქართველოში ჩვენ დავიწყეთ დიდი მოძრაობა, რომელიც არ უნდა გაჩერდეს, საქართველო არის ჩემი არსებობის ძირითადი ნაწილი, ეს ბუნებრივია. საკუთარ შვილზე და დედაზე ვინ იტყვის უარს. ეს პროექტები არის ჩვენი პირმშო და საქართველო არის ჩვენი მშობელი“ - აცხადებს სააკაშვილი.

საქართველოს ყოფილი პრეზიდენტი 2012 წლის არჩევნების წინა პერიოდს იხენებს და ამბობს, რომ მან იცოდა, არჩევნებში დამარცხება გარდაუვალი იყო. სააკაშვილი დარწმუნებულია, რომ დღეს მისი გუნდი გაიმარჯვებს.

,,მე ინტუიცია არ მღალატობს. ზუსტად ვიცი რომ მოვიგებთ. 2012 წელს რომ დავდიოდი, 150 საავადმყოფო გავხსენით, ახალი გზით მონაკვეთი, პარლამენტი, მაგრამ ხალხის თვალებში ვეხადვი რომ დაიღალნენ. მაშინდელი გამოკითხვები გადავდე გვერდზე და ვთქვი, რომ არჩევნები წაგებულია.

ადამიანები იცვლებიან, მეც შევიცვალე, მაგრამ ქართველი ხალხი უნდა ირჩვედეს არა პიროვნებებს, არამედ კურსს, აღმშენებლობასა და ნგრევას შორის უნდა აკეთებდეს არჩევანს“ - განაცხადა სააკაშვილმა.