გუნდი, რომელსაც სააკაშვილი სათავეში ჩაუდგება, საპარლამენტო არჩევნებში მიიღებს მონაწილეობას

პოლიტიკა - 23:53, 21 Feb, 2016

7902

თუ უკრაინა არ დადგა ფეხზე საქართველოს ძალიან ბევრი პრობლემა შეექმნება - ამის შესახებ მიხეილ სააკაშვილმა გადაცემა ,,განსხვავებულ აქცენტებთან“ ინტერვიუში განაცხდა.

მისი თქმით, გუნდი, რომელსაც სააკაშვილი სათავეში ჩაუდგება, საპარლამენტო არჩევნებში მიიღებს მონაწილეობას.

ოდესის გუბერნატორი უკრაინის პრეზიდენტზე საუბრობს. სააკაშვილის თქმით, პოროშენკოს სრულს ქვეყანაში თამაშის წესების შეცვლა, რაშიც მთავარი მოკავშირეები მისი ფრაქციის ახალგაზრდა წევრები არიან.

,,პოროშენკო არის ძალიან მაღალი დონის პოლიტიკოსი, აქვს თავისი მინუსებიც, როგორც ყველას და აქვს ძალიან დიდი პლიუსები. მიუნხენში გამოსვლა ჰქონდა, ცრემლი მომადგა. მას უნდა თამაშის წესების შეცვლა. ჩვენი მოკავშირეები არიან პოროშენკოს ფრაქციის ახალგაზრდა წევრები. არიან ცუდი ხალხიც, როგორც მოქალაქეთა კავშირი იყო, მაგრამ ჰყავს რეფორმატორებიც. ბევრი რამ არის, რასაც შეიძლება ხელი ჩაჭიდო. თუ უკრაინა არ დადგა ფეხზე საქართველოს ძალიან ბევრი პრობლემა შეექმნება.

ეს არის ძალიან დიდი ბრძოლა, საქართველოს ბრძოლა რეგიონული მაშტაბის იყო, მიდიოდი ეუბნებოდი, რომ ჩვენ ვართ პირველი რეფორმატორები, მაგრამ ეს იმდენად დიდი ქვეყანაა, რომ თუ რამე შიცვალა უკეთეობისკენ, ყველა შეამჩნევს. საქართველო უნიკალური ქვეყანაა, მაგრამ როდესაც ვსაუბრობთ რამ შეიძლება შეცვალოს რეგიონული დინამიკა, უკრაინა არის ყველაფრის შემკვრელი. ცალკე პატარა საქართველო ვერ შეცვლიდა რეგიუნულ და მსოფლიო დინამიკას, უკრაინას ეს შეუძლია ბევრი სხვა ფაქტორის გამო. აქ წყდება ყველაფერი მათ შორის საქართველოსთვის“ - ამბობს სააკაშვილი.