,,ეს იქნება იგივე, რაც იყო ნაციონალური მოძრაობა“ - სააკაშვილის უკრაინული გეგმები

პოლიტიკა - 23:45, 21 Feb, 2016

2679

რას ფიქრობს მიხეილ სააკაშვილის თავის პოლიტიკურ მომავალზე? გადაცემამ ,,განსხვავებული აქცენტები“ საქართველოს მესამე პრეზიდენტთან ინტერვიუ ოდესაში ჩაწერა.

სააკაშვილი მის უკრაინულ გეგმებზე საუბრობს და ამბობს, რომ მისი მთავარი მიზანი ახალი წესების დამკვიდრებაა.

,,ჩემი აბიცია არის უკრაინაში ახალი წესების დამკვიდრება. ჩვენ დავიწყეთ აქ იგივე რაც 2000 წლის დასაწყისში. შევკრიბეთ ახალგზდება, სხვადასხვა რეგიონული ლიდერები და ეს ხალხი გაერთიანდა იმისათვს, რომ ქვეყანაში რაღაც შეიცვალოს. უკრაინის 22 ქალაქში ვაპირებ შეხვედრების გაკეთებას“ - აცხადებს სააკაშვილი.

აპირებს თუ არა ის პარტიის ჩამოყალიბებას საქართველოს გარეთ, სააკაშვილი ამბობს, რომ ეს არ იქნება პარტია, არამედ ისეთივე მოძრაობა, როგორიც ნაციონალური მოძრაობა იყო.

,,პარტიების გაკეთება ასოცირებულია ოლიგარქების პროექტებთან, ჩადებენ ფულს და აკეთებენ პარტიებს, ეს იქნება მოძრაობა, დაახლოებით, რაც იყო ნაციონალური მორაობა.

ჩვენი მთავარი ამოცანაა, რომ ვაიძულოთ მმართველი ელიტა, რომ ჩაიჩოჩოს და ახალი ხალხი შემოვიდეს. ეს არის ჩემთვის დეჟავიუ. ერთი-ერთზე ლევან მამალაძე და კახა თარგამაძე. მუქარის სტილი, ბრალდებები. მცდელობა რომ ხელი შეგვიშალონ. როცა იცი სვლები, ბევრად უფრო ადვილად აწყობ რაღაცას.

ეს მთავრობა უნდა წავიდეს მიტომ კი არა, რომ მე მინდა, არამედ იმიტომ რომ ეს არის კორუმპირებული და უნდა წავიდეს. ეს არის წყალგამყოფი, ეს არ იქნება მარტივი, პარლამენტში ისევ ძველი ხალხი ზის, ისევ ოლიგარქებს უპყრიათ ხელში ბევრი რამ“ - აცხადებს სააკაშვილი.