„აგვისტოში ომის დროს მომხადრია ქართველთა ეთნიკური წმენდა“- თეა წულუკიანი

პოლიტიკა - 15:35, 20 Feb, 2016

1153

საქართველოს იუსტიციის მინისტრი, თეა წულუკიანი ცხინვალის დე-ფაქტო რეჟიმის ლიდერს ლეონიდ თიბილოვის განცხადებას ეხმაურება, რომელმაც ე.წ. პარლამენტს დაავალა, რუსეთის დუმამ საქართველოს მიერ ოსი ხალხის გენოციდი აღიაროს.
იუსტიციის მინისტრი აცხადებს, რომ „როგორც საქართველოში, ისე რუსეთში ყველას კარგად უნდა გვესმოდეს, რომ რომ ჰააგის გამოძიება წმინდად სამართლებრივი პროცედურაა და მას ვერანაირი პოლიტიკური გადაწყვეტილებები ვერ დაზიანებს.“
როგორც თეა წულუკიანმა აღნიშნა, მტკიცებულებები მკაფიოდ ადასტურებს იმას, რომ აგვისტოში ომის დროს მომხადრია ქართველთა ეთნიკური წმენდა.
"როგორც ფატუ ბენსუდამ და მისმა ოფისმა მრავალჯერ განაცხადეს, ისინი დაეყრდნობიან მხოლოდ მტკიცებულებებს და ჩვენი გადასახედიდან, ეს მტკიცებულებები მკაფიოდ ადასტურებს იმას, რომ აგვისტოში მომხადრია ომის დროს ქართველთა ეთნიკური წმენდა. აქედან გამომდინარე, ისღა დაგვრჩენია, რომ ამ გამოძიებას ხელი შევუწყოთ, რომ ეს უკვე მტკიცებულებების დონეზე, საერთაშორისო დონეზე დამტკიცდეს და ჩვენმა მსხვერპლებმა, როგორც ბატონმა მოჩოჩოკომ განაცხადა, იხილონ მართლმსაჯულება, რომელმაც უნდა აღადგინოს შესაძლებისდაგვარად მათი უფლებები. ბოლომდე კი მათი უფლებები მხოლოდ მაშინ აღდგება, როდესაც ჩვენ ყველა ერთად გავერთიანდებით - აფხაზები, ოსები, ქართველები და ვიცხოვრებთ იმ ერთიან ქვეყანაში, სამშობლოში, რომელსაც საქართველო ჰქვია", - განაცხადა წულუკიანმა.
ცხინვალის დე-ფაქტო რეჟიმის ლიდერმა ლეონიდ თიბილოვმა ე.წ. პარლამენტს დაავალა, რუსეთის დუმამ საქართველოს მიერ ოსი ხალხის გენოციდი აღიაროს.
მისი თქმით, ე.წ. სამხრეთ ოსეთის წინააღმდეგ ახალი აგრესიის საფრთხე ბოლომდე არ მოხსნილა.
ამ კონტექსტში დე-ფაქტო რეჟიმის ლიდერმა ჰააგის სისხლის სამართლის სასამართლოს მიერ დაწყებული გამოძიება განიხილა.