,,ეს კალიგრაფია არ ეკუთვნის ჩემს შვილს...“ - მაგდა პაპიძის დედა გამოძიებას სიცრუეში ადანაშაულებს

სოც.მედია - 23:20, 19 Feb, 2016

18610

მაგდა პაპიძის დედა ლია შამუგია შვილის, ლანა პაპიძის "ფეისბუქ" გვერდზე განცხადებას ავრცელებს და პროკურატურის მიერ დღეს გასაჯაროვებულ საქმის დეტალებს ეხმაურება. ლია შამუგია საქმეში არსებულ ჩვენებას არ ეთანხმება და მას სიცრუეს უწოდებს:

"მე, ლია შამუგია, მაგდა პაპიძის დედა გავეცანი მთელ ონფორმაციას, რაც დღეს გავრცელდა. ვგულისხმობ პროკურატურაში ჩემი და ჩემი შვილის ლანა პაპიძის ჩვენებებს, კერძოდ: "ჩემი შვილი მაგდა იყო თავნება და რომ შვილს ცუდად ექცეოდა". მე, დედა მაგდა პაპიძის, ვაცხადებ, რომ ეს ინფორმაცია, რაც დღეს გავრცელდა (ვგულისხმობ ჩვენებებს) არის სიცრუე და არც მე და არც ჩემს შვილს ასეთი ჩვენება არ მიგვიცია და ვუცხადებ უნდობლობას პროკურატურას, ასევე, აღვნიშნავ ჩემი შვილის ლანა პაპიძის მიცემულ ჩვენებას, რაშიც აშკარად დარღვეულია მიცემული რეალური ჩვენებები. რაც შეეხება ჩემი შვილის, მაგდას მიერ ნაწარმოებ ე.წ "დღიურს", მინდა ვუთხრა საზოგადოებას, რომ მიუხედავად კალიგრაფიის ექსპერტიზის დასკვნისა პროკურატურის მხრიდან, აღვნიშნავ, რომ ეს კალიგრაფია არ ეკუთვნის ჩემს შვილს - მაგდა პაპიძეს, არის მიმსგავსებული და არანაირად არ ვენდობი ექსპერტიზის დასკვნებს. ამ მოვლენებით მე ვხედავ მიმდინარე საქმის გაყალბებას და არასწორი მსვლელობა ეძლევა პროცესს", - წერს ლია შამუგია სოციაურ ქსელში.