"თოფაძე ივანიშვილის ახლობელია, ჩემი არა..."- ბერძენიშვილები თოფაძეს KGB-ს ტექსტებს ახსენებენ

პოლიტიკა - 13:01, 19 Feb, 2016

5466

გოგი თოფაძის მიერ „რესპუბლიკელების“ და კერძოდ ძმები ბერძენიშვილების მისამართით გამოთქმულ მოსაზრებებს თავად ლევან და დავით ბერძენიშვილმა უპასუხეს.

ლევან ბერძენიშვილის თქმით მას გოგი თოფაძის ბედი არ აღელვებს, რადგან „მრეწველების“ ლიდერის მომავალს ვერც პოლიტიკაში და ვერც ბიზნესში ვერ ხედავს:

„არ ვაკადრებ იმას რაც ეკუთვნის და მისი შეურაცხყოფა ძალიან გამიჭირდება , იმიტომ რომ რაც უნდა ვთქვა იმაზე ნაკლები იქნება ვიდრე მას ეკუთვნის . მართალი გითხრათ მე მისი ბედი არ მაღელვებს, იმიტომ რომ მე მას საერთოდ ვერ ვხედავ ვერც პოლიტიკაში და ვერც ბიზნესში, იმიტომ რომ მან დაარღვია ადამიანობის ყველა წესი“- განაცხადა ლევან ბერძენიშვილმა.

დავით ბერძენიშვილის შეფასებით, თოფაძე კგბ-ს და ასლან აბაშიძის ენით მეტყველებს. მისი თქმით გოგი თოფაძის მოსაზრებების მქონე ადამიანის ადგილი კოალიციაში არაა:

„ივანიშვილისთვის თოფაძე ახლობელია, ჩემი ახლობელი არ არის და ამიტომ მის ასაკს მე ხაზს ვერ გავუსვამ. ეს არის 90-იან წლებში რუსეთის კგბ-ს და ასლან აბაშიძის ერთობლივი ტექსტები. ეს ჩვენ უამრავჯერ მოგვისმენია. მურვან ყრუზე უფრო ვეზიზღებით რესპუბლიკელები ქართველებს , ეს ნამეტანი მოუვიდა თოფაძეს. საქართველო რომ ნატოში არ უნდა იყოს, რომ თინა ხიდაშელი გამყალბებელია და პროკურატურაში უნდა დაიკითხოს, ასეთი მოსაზრებების მქონე თოფაძის ხელმძღვანელობით კოალიციაში ვერავინ ვერ იქნება. პირველ პოზიციაზე არის ქართული ოცნება, მეორე პოზიციაზე რესპუბლიკელები. ცალკე გასვლაზე გითხარით 0.99% იყო მრეწველთა შედეგი 2008 წლის საპარლამენტო არჩევნებზე“- აღნიშნა დავით ბერძენიშვილმა.