"ნაციონალური მოძრაობა" თბილისის მერის მიერ ხელმოწერილ სკანდალურ დოკუმენტს ასაჯაროვებს.

ნიკა მელიას მიერ მოპოვებული დოკუმენტის მიხედვით, თბილისის მერიამ ქალაქის ბიუჯეტიდან ისანი-სამგორის რაიონული პროკურორის, ლეონიდ გერგედავას შვილს პარიზში სწავლის მიზნით, ცხოვრების ხარჯები დაუფინანსა.

„ნარმანიამ გამოსცა ბრძანება და სოციალური დახმარებისთვის განკუთვნილი მუხლიდან გამოუყო 5000 ლარი, საიდანაც სოციალურად დაუცველები, უსახლკაროები უნდა ფინანსდებოდეს. ეს არის ცინიზმი და ნარმანიამ უნდა ახსნას რამ გაამწარა რამ გააკეთებინა ეს სისულელე და ისანი-სამგორის რაიონული პროკურატურის ხელმძღვანელი გერგედავა დაკავებული თანამდებობიდან უნდა გათავისუფლდეს," - განაცხადა ნიკა მელიამ.

მისი თქმით, შესაბამისი ბრძანება თბილისის მერის, დავით ნარმანიას სახელზეა გამოცემული.

თბილისის მერის მიერ ხელმოწერილ სკანდალურ დოკუმენტს საკრებულოს დამოუკიდებელი დეპუტატი ალეკო ელისაშვილი გამოეხმაურა.

მისი თქმით, გადაწყვეტილების მიმღები აუცილებლად დასასჯელია.

„ეს არის უსინდისობა და დანაშაული, ეს არის აუცილებლად გამოსაკვლევი და დასასჯელია ვინც ეს გადაწყვეტილება მიიღო, ნარმანიამ პასუხი უნდა აგოს, რატომ ფლანგავს ასე ფულს,“- განაცხადა ალეკო ელისაშვილმა.

ნაციონალური მოძრაობის მიერ გასაჯაროებული თბილისის მერის მიერ ხელმოწერილ სკანდალურ დოკუმენტს საკრებულოს წევრი ირაკლი აბესაძეც აფასებს.

„რაც მერიაში ხდება ეს არის უპასუხისმგებლობის, უკონტროლობისა და თავგასულობისა და ასევე მაღალი რანგის თანამდებობის პირის მხრიდან თანამდებობრივი მდგომარეობის ბოროტად გამოყენების ნათელი მაგალითებია,“- ეს განცხადება კი "ნაციონალური მოძრაობის" წევრი.

სკანდალურ დოკუმენტზე დედაქალაქის მერიაში კომენტარი ამ დრომდე არ გაკეთებულა.