დამნაშავეებმა უნდა მიიღონ ის რაც მათ ეკუთვნის - ჰააგის სასამართლოს წარმომადგენელი

პოლიტიკა - 15:07, 18 Feb, 2016

1306

ჰააგის სისხლის სამართლის სასამართლოს პროკურორის ოფისის წარმომადგენელი ფაქისო მოჩოჩოკო აცხადებს, რომ 2008 წლის ომის გამოძიება მიუკერძოებელი, დამოუიკიდებელი და კონფიდენციალური იქნება.

როგორც ქართველ ჟურნალისტებს მოჩოჩოკომ განუცხადა, გამოძიების ამ ეტაპზე კონკრეტული ეჭვმიტანილები არ არსებობენ.

მისი თქმით, გამოძიების მიზანია ფაქტების დადგენა, მსხვერპლთა ინტერესების დაცვა და პოლიტიკური საკითხების განსაზღვრა.

ჟურნალისტები დაინტერესდნენ როგორ აპირებენ ჰააგის სასამართლოს წარმომადგენლები რუსულ მხარესთან თანამშრომლობას, რადგან ოფიციალური განცხადებით კრემლმა თანამშრომლობაზე უარი თქვა.

"ვცდილობთ, რომ რუსეთთან კომუნიკაცია გვქონდეს თუმცა ამ ეტაპზე ეს არ ხერხდება. უნდა ავღნიშნთ რომ ჩვენი გამოძიება არის სრულიად დამოუკიდებელი, რომელიც მიზნად ისახავს ყველა დაინტერესებულ მხარესთან შეხვედრას" - თქვა ჰააგის სასამართლოს წარმომადგენელმა.

მოჩოჩოკომ დღეს ხაზგასმით აღნიშნა, რომ პროკურორის ოფისის სურვილია ნათელი მოეფინოს აგვისტოს ომის მოვლენებს.

„იმისათვის, რომ კონფიდენციალურობა და გამოძიების მიმდინარეობა დაცული იყოს მედიასაშუალებებს ვთხოვ თავი შეიკავონ, ჩვენი გამომძიებლების გადაღებისა და გამოკითხვისაგან. წინააღმდეგ შემთხვევაში მოხდება უსფრთხოების შელახვა. როგორც კი რაიმე კონკრეტული გადაწყვეტილება იქნება მიღებული, მედიას მყიდსიერად ეცნობება. ეს გამოძიება არ ტარდება იმისათვის, რომ პოლიტიკური განსხვავებები დაფისქირდეს. ძალისხმევა მიმართულია იმისკენ, რომ ნათელი მოეფინოს ყველაფერს. დამნაშავეებმა უნდა მიიღონ ის რაც მათ ეკუთვნის“, - განაცხადა ფაქისო მოჩოჩოკომ.

მისი თქმით, გამოძიბა გაგრძელდება მანამ სანამ საჭირო იქნება და ყველაფერი დამოკიდებული იქნება გამოძიების უსაფრთხოებასა და თანამშრომლობაზე.