რა ინფორმაციის გამჟღავნება აუკრაძალა პაპიძემ ომბუდსმენს და იყო თუ არა ის ორსულად?

სამართალი - 12:28, 15 Feb, 2016

26757

27 წლის ქმრისა და 5 წლის შვილის სასტიკ მკვლელობაში ბრალდებული მაგდა პაპიძის სასამართლო პროცესს მედია და საზოგადოება აქტიურად ელოდება. პროცესი წინა კვირას უნდა დაწყებულიყო, თუმცა მარტის ბოლომდე გადაიდო. მანამდე კი ბრალდებულის ოჯახის წევრებმა სხვადასხვა სატელეციზიო შოუში დეტალურად იაუბრეს უსასტიკესი მკვლელობის ვერსიების შესახებ.
მათ შორის დაკავების პროცესზე. პაპიძეები ირწმუნებიან, რომ მაგდა პაპიძე დაკავებისას 3 თვის ორსული იყო. ახალგაზრდას მუცელი კი მაშინ მოეშალა, როცა ოჯახის თქმით პოლიციაში აწამეს.

იყო თუ არა შვილისა და მეუღლის მკვლელობაში ბრალდებული მაგდა პაპიძე 3 თვის ფეხმძიმე, როდესაც გავრცელებული ინფორმაციით, მას პოლიციაში აწამებდნენ და ამის შედეგად მან ბავშვი დაკარგა?! – ამ საკითხით გაზეთი „პრაიმტაიმი“ ბრალდებულის დისა და დედს სატელევიზიო კომენტარები გავრცელდა.

„პრაიმტაიმი“ ინფორმაციის გარკვევას რამდენიმე უწყებაში შეეცადა. როგორც გამოცემასთან საუბრისას სახალხო დამცველის მოადგილემ, ნათია კაციტაძემ განაცხადა, დეტალურად ამ თემაზე საუბარი სახალხო დამცველის აპარატს თავად ბრალდებულმა აუკრძალა.
„მაგდა პაპიძე ჩვენ მაშინაც მოვინახულეთ, როდესაც ის დააკავეს და მას შემდეგაც, რაც ეს ახალი ინფორმაციები მედიაში გაჟღერდა. კონკრეტულად ამ ფაქტთან დაკავშირებითაც გვქონდა მასთან საუბარი, თუმცა ამ ეტაპზე დეტალებზე, სამწუხაროდ, ვერ გესაუბრებით, რადგან თვითონ არ მოგვცა თანხმობა, რომ ამაზე ვისაუბროთ. გვითხრა, რომ არ უნდა ამ ეტაპზე დეტალების გახმაურება. ამასთანავე, ჩვენ ყველა საჭირო დოკუმენტაციას გამოვითხოვთ როგორც პროკურატურიდან, ისე საავადმყოფოდან და ასევე, ექსპერტიზის ბიუროდან. იცით, რომ ექსპერტიზა დანიშნული იყო მისი ჯანმრთელობის მსდგომარეობასთან დაკავშირებით. დოკუმენტების გამოთხოვებაზე თანხმობა მოგვცა. ის რამდენჯერმე იყო წაყვანილი საავადმყოფოში, მაგრამ დეტალებზე საუბრის შესახებ თანხმობას არ გვაძლევს. ჩვენ ინფორმაციები მასთან დაკავშირებით გვაქვს. ჯანმრთელობის მდგომარეობასთან დაკავშირებულ დეტალებზე, გარდა დაზიანებებისა, მისგან თანხმობა არ გვქონია, რომ გვესაუბრა, მაგრამ ეს იმას არ ნიშნავს, რომ ჩვენ ეს ინფორმაცია არ გვაქვს“, – განაცხადა კაციტაძემ.

„პრაიმტაიმი“ პაპიძის დას დაუკავშირდა იმ თემაზე სასაუბროდ, რომელზეც იგი ორი დღის განმავლობაში სატელევიზიო შოუებში საუბრობდა, უპასუხა, რომ ბრალდებულმაც და ადვოკატმაც აღნიშნულ თემაზე საუბარი სასტიკად აუკრძალეს. „მე და დედაჩემს სასტიკად აგვიკრძალეს ამ თემაზე ინტერვიუს მიცემა მაგდამაც და ადვოკატმაც“, – განუცხადა „პრაიმტაიმს“ ლანა პაპიძემ.

გამოცემა ასევე წერს, რომ მეუღლისა და შვილის მკვლელობაში ბრალდებული ღუდუშაირის კლინიკაში გადაყვანა რამდენჯერმე დასჭირდა.