პროკურატურამ "ტაბულას" ჟურნალისტები დაზარალებულად ცნო. სამ პირს, ვინც "ტაბულას" ჟურნალისტებს რესტორან "ჭაშნაგირში" თავს დაესხა, ბრალი დევნის მუხლით წარუდგინეს. თავდაპირველად გამოძიება ცემის მუხლით დაიწყო.

სისხლის სამართლის კოდექსის 156-ე მუხლის მე-2 ნაწილი გულისხმობს ძალადობით ან ძალადობის მუქარით ადამიანის დევნას სიტყვის, აზრის, სინდისის, აღმსარებლობის, რწმენის ან მრწამსის გამო, ანდა მის პოლიტიკურ, საზოგადოებრივ, პროფესიულ, რელიგიურ ან მეცნიერულ მოღვაწეობასთან დაკავშირებით. დანაშაული ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით ვადით სამ წლამდე.

_{ფოტო-ტაბულა}