თბილისში უეფას დელეგაცია იმყოფება

სპორტი - 10:23, 28 Mar, 2013

1156

ფეხბურთის ფედერაციის წარმომადგენლებთან ერთად შეხვდნენ. შეხვედრას ფეხბურთის ფედერაციის მხრიდან ფედერაციის პრეზიდენტი - ზვიად სიჭინავა და გენერალური მდივანი - რეზი არველაძე ესწრებოდნენ.

მინისტრთან შეხვედრაზე უეფას ტექნიკურ-სპორტული განვითარების ხელმძღვანელმა იოან ლუპესკუმ, სპორტული სამართლიანობის ოფიცერმა - ურს კლუსერმა და ეროვნულ ფედერაციებთან ურთიერთობათა პროექტების მენეჯერმა დავით პეტრიაშვილმა აპრილში, თბილისში ჩასატარებელი უეფას ფუტსალის თასის ფინალური ეტაპის გარდა იმსჯელეს სახელმწიფოს როლზე მასობრივი ფეხბურთის განვითარებაში, მწვრთნელთა განათლებაზე, მატჩების სამართლიანი პრინციპით ჩატარებასა და სამომავლო ერთობლივ პროექტებზე.

სფფ-ს ოფიციალური ვებსაიტის ინფორმაციის მიხედვით, თბილისში დაგეგმილ ღონისძიებაში ფუტსალის თასის საპატიო ელჩის სტატუსით მონაწილეობას მიიღებენ შოთა და არჩილ არველაძეები. წილისყრის შედეგად, ტურნირზე მონაწილე ოთხი კლუბი ნახევარფინალურ ეტაპზე დაწყვილდება. თბილისის სპორტის სასახლეში, უეფას ფუტსალის თასის ნახევარფინალური მატჩები 26 აპრილს გაიმართება. მატჩი მესამე ადგილისათვის საჩემპიონო დაპირისპირება კი, 28 აპრილს შედგება.

პრესტიჟული ტურნირის თასის მოსაპოვებლად კატალონიის „ბარსელონა“, მოსკოვის „დინამო“, ალმაატის „კაირათი“ და თბილისის „იბერია სტარი“ იბრძოლებენ. უეფას ფუტსალის თასის ოთხთა ფინალი თბილისში პირველად ჩატარდება. ევროპული ფეხბურთის მმართველმა ორგანომ, თბილისში ამ რანგის შეჯიბრის გამართვის გადაწყვეტილება 2012 წლის დეკემბერში, შვეიცარიის ქალაქ ლოზანაში მიიღო.