გარდაცვლილთაგან ყველაზე პატარა 19 წლის, დიდი კი 27-ის იყო

გარდაცვლილთაგან ყველაზე პატარა 19 წლის, დიდი კი 27-ის იყო - შემზარავი ავარია სამეგრელოში

შემთხვევა - 17:11, 29 Jan, 2016

39381

სამეგრელოში გუშინ მომხდარი ავტოავარიის შედეგად დაშავებულთა მდგომარეობა მძიმეა.
ორი მათგანი გიორგი გერგედავა და გურიკა ქარდავა თბილისში გადმოიყვანეს.
4 ახალგაზრდა ზუგდიდის რეფერალურ საავადმყოფოში მართვით სუნთქვაზე იმყოფება.

ჯვარი ზუგდიდის მონაკვეთეზე მომხდარ ავტოავარიისას სულ 11 ადამიანი დაშავდა. აქედან 4 ადგილზე გარდაიცვალა. გვიან ღამე, კიდევ ერთი ახალგაზრდა ოპერაციის მიმდინარეობისას გარდაიცვალა. "ნიუპოსტის" ინფორმაციით, გარდაცვლითა შორის ყველაზე დიდი 27 წლისაა, პატარა - 19.
გარდაცვლილები არიან: ციმინტია გიორგი, შონია ბაჩანა, ბერიშვილი დათო, მატუა ლევანი და ქუხილავა დათო.
გარდაცვლილებს ქუთაისის პროზექტურაში ექსპერტიზა უკვე ჩაუტარდა, ნახევარ საათში კი სახლში გადაასვენებენ.
შეგახსენებთ, რომ გუშინ ღამით ჯვარი ზუგდიდის მონაკვეთზე ერთმანეთს ოპელისა და ფორდის მარკის ავტომანქანა შეეჯახა.
როგორც შსს-ში განაცხადეს, საქმეზე გამოძიება 276-ე მუხლის მე-7 ნაწილით მიმდინარეობს, რაც ტრანსპორტის უსაფრთხოების ზომების დარღვევას გულისხობს, რამაც 2-ზე მეტი ადამანის გარდაცვალება გამოიწვია.
რაც შეეხება ავარიის გამომწვევ მიზეზსს, ამ დროისთვის ორი ვერსია განიხილება. ერთ ერთის მიხედვით ავარიის მიზეზი უამინდობა და გადაჭარბებული სიჩქარე გახდა.
მეორე ვერსიის თანახმად, ავტომობილების მძღოლები ალკოჰოლური ზემოქმედების ქვეშ იყვნენ, რაც ექსპერტიზის შედეგების შემდეგ გახდება ცნობილი.