იური ვაზაგაშვილის მკვლელობის საქმის ერთ-ერთი მოწმის გარდაცვალების მიზეზი გრიპის ვირუსი გახდა.

ამის შესახებ „ნიუპოსტს“ ვაზაგაშვილის ოჯახის ადვოკატმა გაგი მოსიაშვილმა განუცხადა.

„პირველადი ინფორმაციით, ქალბატონი გრიპით გარდაიცვალა. რამდენად არის ეს სწორი ეს ცოტა ხანში გაირკვევა“, - ამბობს მოსიაშვილი.

აღნიშნულთან დაკავშირებით კომენტარს იური ვაზაგაშვილის და მანანა ვაზაგაშვილიც აკეთებს.

„ცუდათ იყო გრიპით. მეუღლეც და შვილიც ცუდათ ჰყავდა. თავის თავს სათანადო ყურადღება ვერ მიაქცია. სასწრაფომ რომ წაიყვანა თირკმელები და ფილტვები უკვე გათიშული ჰქონდა. ასე, რომ რაც ვრცელდება, რომ გაურკვეველ ვითარებაში დაიღუპა და ასე შემდეგ ეს ტყუილია“, - ამბობს მანანა ვაზაგაშვილი.

იური ვაზაგაშვილის საქმის ერთ-ერთი მოწმე, ქალბატონი, რომელიც სოფელ ყარაფილაში ვაზაგაშვილების საფლავს უვლიდა და დამლაგებლად მუშაობდა, რამდენიმე დღის წინ გარდაიცვალა.