მედიკამენტების უკანონო შემოტანის ფაქტი გამოავლინეს 17 იანვარს საბაჟო გამშვები პუნქტის, „ვალეს“, მებაჟე ოფიცრებმა. კერძოდ, მათ თურქეთის მოქალაქე მ.კ.-ის კუთვნილი ხელბარგის სკანერით დათვალიერების შედეგად აღმოაჩინეს ფსიქოტროპული ნივთიერების შემცველი მედიკამენტი GRIPAMOL - 10 აბი და ნარკოტიკული ნივთიერების შემცველი მედიკამენტები: APRANAX PLUS - 18 აბი, CONTRAMAL Kapsul - 6 აბი, CONTRAMAL Tablet - 7 აბი.

საქმე შემდგომი რეაგირების მიზნით გადაეცა შსს სამცხე-ჯავახეთის პოლიციის დეპარტამენტს.

ანალოგიური სამართალდარღვევის ფაქტი გამოვლინდა 19 იანვარს საბაჟო გამშვებ პუნქტზე „სადახლო-საავტომობილო“. საქართველოს მოქალაქე დ.მ.-ის კუთვნილი ჩანთის რისკის პროფილის საფუძველზე დათვალიერების შედეგად, მებაჟე ოფიცრებმა 180 აბი ნარკოტიკული ნივთიერების შემცველი მედიკამენტი GBHFKUBY აღმოაჩინეს.

საქმე შემდგომი რეაგირების მიზნით გადაეცა კრიმინალური პოლიციის მარნეულის რაიონულ სამმართველოს.