ხარძიანის მკვლელობის დამკვეთებთან დაკავშირებით გამოძიება სხვადასხვა მიმართულებით მუშაობს

სამართალი - 21:04, 21 Jan, 2016

1687

ბესიკ ხარძიანის მკვლელობის საქმის გახსნაზე ტელეკომპანია „იბერიის“ ეთერში მთავარი პროკურორის პირველმა მოადგილემ მამუკა ვასაძემ ისაუბრა. პროკურორის მოადგილის განცხადებით მკვლელობაში ბრალდებულების მხრიდან ხარძიანის მკვლელობის მოტივი ანგარება იყო, მათ ეს საქმე ანაზღაურების სანაცვლოდ შეუკვეთეს, თუმცა ვასაძეს არ დაუსახელებია ვერსიები ვის შეეძლო შეეკვეთა ბიზნესმენის მკვლელობა და აღნიშნა, რომ გამოძიება რამდენიმე ვერსიაზე მუშაობს:

„დამკვეთების მიმართულებით გამოძიება სხვადასხვა მიმართულებით მუშაობს. რაც შეეხება კონკრეტულ შემსრულებელ პირებს მათ არანაირი ურთიერთობა არ აკავშირებდათ ბესიკ ხარძიანთან, არც პირადი და არც ბიზნესსაქმიანობა. დამკვეთებთებთან მიმართებაში გამოყოფილია სისხლის სამართლის საქმე და გამოძიება მიმდინარეობს“- განაცხადა ვასაძემ.

შეგახსენებთ საქართველოს მთავარმა პროკურატურამ 2015 წლის 28 მარტს მომხდარი ბიზნესმენ ბესარიონ ხარძიანის მკვლელობის საქმე გახსნილად გამოაცხადა. მთავარი პროკურატურისა და შს სამინისტროს მიერ ერთობლივად ჩატარებული საგამოძიებო და ოპერატიულ-სამძებრო ღონისძიებების შედეგად ხარძიანის მკვლელობაში მხილებული არიან: უკრაინის მოქალაქე, 1985 წლის 29 მაისს დაბადებული ოლეკსანდრ დამეტოვი და რუსეთის ფედერაციის მოქალაქე, 1973 წლის 04 სექტემბერს დაბადებული ოლეგ დოევი