ნატო უდესიანი დარწმუნებულია, რომ ბიზნესმენ ბესიკ ხარძიანის მკვლელობასთან მის ძმას შეხება არ აქვს.

უდესიანის განცხადებით, შესაძლოა გია უდესიანზე გადაბრალებით ვიღაცას საკუთარი დანაშაულის დაფარვა სურს.

„მკვლელი არ არის გია და ამ შემთხვევაში არაფერი გვაქვს სანერვიულო. თუ ვიღაცას რაღაცის დამალვა უნდა, ეს სხვა საქმეა. თუ ვინმე ვინმეს ასახელებს, საკუთარი დედის დანაშაულს მალავს“, - ამბობს ნატო უდესიანი "მაესტროსთან" საუბარში.

ცოტა ხნის წინ ბიზნესმენის შვილმა ბესო ხარძიანმა განაცხადა, რომ მკვლელობა გია უდესიანის და ირაკლი ქურასბედიანის შეკვეთილია.