"როგორ ახერხებდნენ შეიარაღებული მკვლელები თავისუფლად გადაადგილებას"

"როგორ ახერხებდნენ შეიარაღებული მკვლელები თავისუფლად გადაადგილებას" - ჭაიას შსს-სთან კითხვები აქვს

სამართალი - 15:02, 21 Jan, 2016

2632

,,სამართალდამცავთა დაცვის ლიგის“ წევრს ზაზა ჭაიას ბესიკ ხარძიანის საქმეზე შინაგან საქმეთა სამინისტროსთან კითხვები აქვს. ჭაია სოციალურ ქსელში პროკურატურის დღევანდელ განცხადებას ეხმაურება.
"შეკითხვები შსს-ან!
პროკურატურამ დღეს ბ-ნ ხარძიანის მკვლელობის საქმე გახსნილად გამოაცხადა. ღმერთს სიმართლე უყვარს, პროკურატურას ოპერატიულ-სამძებრო ღონისძიებების გატარებას ვერ მოვთხოვთ, თუმცა საზოგადოებას საკმაოდ მწვავე კითხვები აქვს შსს-ან:
1. როგორ მოახერხეს მკვლელებმა საქართველოს სახელმწიფო საზღვრის ყალბი პასპორტებით გადმოლახვა?
2. როგორ ახერხებდნენ მკვლელები, დედაქალაქში, შეიარაღებულები, თავისუფლად გადაადგილებას და ბ-ნ ხარძიანის დევნას და თვალთვალს?
3. როგორ ვერ მოახერხა შსს-მ მკვლელთა თავისუფალი გადაადგილების აღკვეთა, როცა მკვლელობის პირველივე წუთებში შსს-ს ხელთ ჰქონდა ვიდეო ფირები მკვლელთა აღწერილობით და მკვლელთა გადაადგილების მარშრუტით?
4. როგორ მოახერხეს მკვლელებმა, დედაქალაქიდან გაღწევა, ბათუმში ჩასვლა და მკვლელობიდან რამდენიმე საათში, სარფის საბაჟო-გამშვები პუნქტით სახელმწიფო საზღვრის გადაკვეთა, როცა შსს-ს ცნობილი იყო მკვლელთა ზუსტი აღწერილობა?
5. როგორ მოახერხეს ყალბი პაპორტებით მკვლელებმა, საქართველოს ფარგლების დატოვება, სარფის საბაჟო-გამშვები პინქტით გავლით?", - წერს ჭაია.

ბესიკ ხარძიანის საქმე პროკურატურამ გახსნილად გამოაცხადა. საგამოძიებო უწყების ინფორმაციით, დანაშაულში მხილებულები არიან: უკრაინის მოქალაქე, 1985 წლის 29 მაისს დაბადებული ოლეკსანდრ დამეტოვი და რუსეთის ფედერაციის მოქალაქე, 1973 წლის 04 სექტემბერს დაბადებული ოლეგ დოევი.