თბილისში 30 წლის ირაკლი იმნაძემ თავი მოიკლა. იგი ჩამომხრჩვალი იპოვეს. შემთხვევა 18 იანვარს მოხდა.

სავარაუდოდ მიზეზად ფინანსური პრობლემები სახელდება. მომხდარზე გამოძიება 115-ე, თვითმკვლელობამდე მიყვანის მუხლით მიმდინარეობს.

იმნაძის გარდაცვალებასთან დაკავშირებით ინფორმაცია გუშინ "საქართველოს ცხოველთა დაცვისა და გადარჩენის საზოგადოებამ" გაავრცელა.

"თბილისში ივნისის ტრაგიკული დღეები. ირაკლი და მისი მეგობარი ოთარ დავითიშვილი პირველად მოვიდნენ GSPSA - ს თავშესაფარში თავიანთ მეგობრებთან ერთად. რამოდენიმე მძიმე დღე ამ კეთილი და ვაჟკაცი ადამიანების ძალისმევით გადარჩნენ თავშესაფარში მოყვანილი ცხოველები. დღე-ღამის მანძილზე ირაკლი და მისი მეგობრები თავდაუზოგავად ბრძოლობდნენ წყალდიდობაში მოხვედრილი ცხოველების გადასარჩენად....

18 იანვარს ირაკლი იმნაძე გარდაიცვალა.

"საქართველოს ცხოველთა დაცვისა და გადარჩენის საზოგადოება" უსამძიმრებს ირაკლის ოჯახს.

"მე თქვენ ყველა მიყვარხართ!" - ამ სიტყვებით გამოგვემშვიდობა ირაკლი ივნისში.“- წერს ორგანიზაციის ხელმძღვანელი თეიმურაზ წიქორიძე სოციალურ ქსელში.