პროკურორის ვახტანგ ქირიას მკვლელობაში ბრალდებული ბიძინა კუჭავას მეუღლე მარინა ნიკოლოზაშვილი დაკითხვაზე დაიბარეს. მას თბილისის პროკურატურაში დღეს 14:00 საათზე ელოდებიან.
როგორც "ნიუპოსტს" ოჯახის ადვოკატმა გიორგი გოროზიამ განუცხადა, შეხვედრის სურვილი თბილისის მთავარმა პროკურორმა გამოთქვა.
გოროზიას ინფორმაციით, პროკურატურაში ადვოკატები და ექსპერტი მაია ნიკოლეიშვილიც მივლენ.
პროკურორი ვახტანგ ქირია გარდაცვლილი შაბათს საღამოს იპოვეს. შსს-ს ინფორმაციით, მკვლელობაში ბრალდებული რადიო „საქართველოს ხმის“ დირექტორი ბიძინა კუჭავაა, რომელმაც თავი მოიკლა. თუმცა განსხვავებული პოზიცია აქვთ კუჭავას ოჯახის წევრებს და ადვოკატებს. მათ გამოძიების ვერსიის არ სჯერათ. ასევე დამოუკიდებელი ექსპერტი მაია ნიკოლეიშვილი ამბობს, რომ კუჭავას სხეულზე არსებული დაზიანებები თვითმკვლელობის ვერსიას ვერ ამყარებს.
მასალის გამოყენების პირობები






