ვისთან ერთად იმყოფებოდა ავტომანქანაში თვითმკვლელობამდე ბიძინა კუჭავა

სამართალი - 18:24, 17 Jan, 2016

14991

გავრცელებული ინფორმაციით, ვახტან ქირიას მკვლელობაში ეჭვმიტანილი ბიძინა კუჭავა, დედაქალაქს ტოვებდა მეგობართან და მეგობრის მეუღლესთან ერთად, ML-ის მარკის ავტომობილით, რომელთან დაკავშირებითაც იუსტიციის სახლის მიმდებარედ სამართალდამცავები მთელი ღამის და დღეს დილის განმავლობაში საგამოძიებო მოქმედებებს აწარმოებდნენ. არსებული ინფორმაციით, კუჭავამ თავი სწორედ მას შემდეგ მოიკლა, რაც მისთვის ცნობილი გახდა, რომ სამართალდამცავებისთვის მის კვალს ეძებდნენ.

კუჭავას ახლობლები ამბობენ, რომ მათ ბოლოს 2 დღის წინ ნახეს. კურიერის ცნობით, სამართალდამცავები დღეს დილიდან კითხავდნენ ქალბატონს, რომელიც ბიძინა კუჭავას ავტომანქანაში მის მეგობართან ერთად ახლდა, თუმცა საგამოძიებო უწყებიდან გამოსვლის შემდეგ ქალბატონს ჟურნალისტთან კომენტარი არ გაუკეთებია.

ამ დროისთვის დახურულია რადიო საქართელოს ხმის ოფისი, კუჭავას ახლობლები აცხადებენ, რომ ბოლო პერიოდში კუჭავა ბიზნესით იყო დაკავებული.

პროკურორ ვახტანგ ქირიას საქმეზე გამოძიება განზრახ მკვლელობის მუხლით დაიწყო. შს სამინისტროში განმარტავენ, რომ გამოძიება სისხლის სამართლის კოდექსის 108-ე მუხლით მიმდინარეობს.

შეგახსენებთ, რომ სამეგრელო-ზემო სვანეთის საოლქო პროკურატურის პროკურორი ვახტანგ ქირია გუშინ მოკლული იპოვეს. პროკურორის ცხედარი ქავთარაძის ქუჩაზე, საცხოვრებელ სახლში, აღმოჩინეს.