ვახტანგ ქირიას ცხედარი ზუგდიდში უკვე გადაასვენეს

სამართალი - 16:36, 17 Jan, 2016

2778

სამეგრელო–ზემო სვანეთის საოლქო პროკურატურის პროკურორი ზუგდიდში უკვე გადაასვენეს. მისი კოლეგები და თანამშრომლები გარდაცვლილის ოჯახში იმყოფებიან. ისინი მომხდარის დეტალებზე ვერ საუბრობენ. ქირიას მკვლელობის მოტივი ამ დრომდე უცნობია მისი ოჯახის წევრებისა და ახლობლებისთვიაც.

ოჯახი გავრცელებულ თვითმკვლელობის ვერსიას კატეგორიულად გამორიცხავს. ოჯახის ახლობლები ადასტურებენ, რომ კუჭავა ქირიას ნათესავი იყო, თუმცა მათ შორის რაიმე დაპირისპირებაზე ვერ საუბრობენ.

ზუგდიდის პროკურორის მკვლელობაში ეჭვმიტანილი ,,საქართველოს ხმის“ დირექტორი ბიძინა კუჭავაა. ცნობილია, რომ კუჭავა გარდაცლილი ოჯახის ნათესავი იყო და მათ ძალიან ახლო ურთიერთობა აკავშირებდათ. კუჭავამ სიცოცხლე თვითმკვლელობით დაასრულა მას შემდეგ, რაც სამართალდამცავები მის ასაყვანად მივიდნენ.

პროკურორ ვახტანგ ქირიას საქმეზე გამოძიება განზრახ მკვლელობის მუხლით დაიწყო. შს სამინისტროში განმარტავენ, რომ გამოძიება სისხლის სამართლის კოდექსის 108-ე მუხლით მიმდინარეობს.

შეგახსენებთ, რომ სამეგრელო-ზემო სვანეთის საოლქო პროკურატურის პროკურორი ვახტანგ ქირია გუშინ მოკლული იპოვეს. პროკურორის ცხედარი ქავთარაძის ქუჩაზე, საცხოვრებელ სახლში, აღმოჩინეს.