არსებული ინფორმაციით, მკვლელობაში ბრალდებული კუჭავას მეუღლე მოდულის შენობაში იკითხება

სამართალი - 14:45, 17 Jan, 2016

11597

,,ნიუპოსტის“ ინფორმაციით, მკვლელობაში ეჭვმიტანილი ბიძინა კუჭავას მეუღლე ამ მომეტისთვის ე.წ. მოდულის შენობაში დაკითხვაზე იმყოფება. ,,ნიუპოსტი“ დეტალების გადამოწმებას სამართალდამცავ უწყებაში ცდილობს.

როგორც ,,ნიუპოსტისთვის“ ცნობილი გახდა, ზუგდიდის პროკურორის მკვლელობაში ეჭვმიტანილი ,,საქართველოს ხმის“ დირექტორი ბიძინა კუჭავაა. ცნობილია, რომ კუჭავა გარდაცლილი ოჯახის ნათესავი იყო და მათ ძალიან ახლო ურთიერთობა აკავშირებდათ. კუჭავამ სიცოცხლე თვითმკვლელობით დაასრულა მას შემდეგ, რაც სამართალდამცავები მის ასაყვანად მივიდნენ.

ბიძინა კუჭავამ დაამთავრა თბილისის სახელმწიფო პოლიტექნიკური ინსტიტუტი 1985 წელს. 1988-1994წწ. იყო ტელეკომპანია"იბერვიზიის" გენერალური დირექტორის მოადგილე; 1994 წლიდან ტელეკომპანიის, რადიოს და გაზეთის"საქართველოს ხმის" დამფუძნებელი და პრეზიდენტი. არის მრავალი სატელევიზიო გადაცემისა და სიუჟეტის ავტორი.

ცნობილი გახდა, რომ პროკურორ ვახტანგ ქირიას საქმეზე გამოძიება განზრახ მკვლელობის მუხლით დაიწყო. შს სამინისტროში განმარტავენ, რომ გამოძიება სისხლის სამართლის კოდექსის 108-ე მუხლით მიმდინარეობს.

შეგახსენებთ, რომ სამეგრელო-ზემო სვანეთის საოლქო პროკურატურის პროკურორი ვახტანგ ქირია გუშინ მოკლული იპოვეს. პროკურორის ცხედარი ქავთარაძის ქუჩაზე, საცხოვრებელ სახლში, აღმოჩინეს.