ფინანსთა სამინისტროს საგამოძიებო უწყებაში ხელოვნებათმცოდნე დალი ლებანიძე დაკიტხეს, რომელიც 2016 წელს იმ კომისიაში იყო, რომელმაც ვან დეიკის ტილოს ქვეყნიდან გაცემის ნებართვა გასცა.

იგი ჩვენებას დაახლოებით 4 საათის განმავლობაში აძლევდა. როგორც ლებანიძემ დაკითხვის დასრულების შემდეგ განაცხადა, ტილო, რომელსაც საკმაოდ ბერვი ხმაური მოჰყვა, ვან დეიკს არ ეკუთვნის.

„ეს ნამუშევარი არაფრით გამორჩეული არ იყო. დღესაც ამას ვამტკიცებ და გულით მინდა დაგარწმუნოთ ამაში. ეს არის ძალიან მდარე გემოვნებით შესრულებული ასლი, რაღაც მითოლოგიური სიუჟეტის, რომელიც ალბათ რაღაც მეათეხარისხოვანი სურათია ევროპული სკოლის და იმისგან არის გადმოხატული. თურქული მხარე, რომელიც სურათში 14 მილიონს იხდის, მათი ანალიზი არ არის გადამწყვეტი. ეს უნდა გადამოწმდეს ევროპულ ქვეყანაში ლაბორატორიულად“, - ამბობს ლებანიძე.

ფინანსთა სამინისტრომ დღეს ასევე ეკა აბაშიძე დაკითხა, რომლის მტიცებით, ვან დეიკის ტილო მათ ეკუთვნოდათ. საგამოძიებო სამსახურმა ვან დეიკის ნახატთან დაკავშირებით გამოძიება დაიწყო. გამოძიებასისხლის სამართლის კოდექსის 214-ე მუხლის მე-3 ნაწილით დაიწყო.

აღნიშნული მუხლი კულტურული მემკვიდრეობის სტატუსის მქონე ნივთის საზღვარზე უკანონოდ გადატანას გულისხმობს.