გარდაცვლილი ბუტა რობაქიძის მამა სოსო რობაქიძე მოსამართლე დავით მგელიაშვილის აცილებას ითხოვს.

ამის შესახებ რობაქიძემ დღეს გამართულ პრესკონფერენციაზე განაცხადა.

მისი თქმით, მოსამართლე ბუტა რობაქიძის საქმის განხილვას შეგნებულად აჭიანურებს.

„მინდა უნდობლობა გამოვუცხადო მოსამართლეს. მე ყველაფერს ვაკეთებ იმისთვის, რომ აცილება გავუკეთო. ის აჭიანურებს სასამართლოს. მთლიანად დონაძის და მიქაძის მხარეს არის. იმათ პროცესზე 2 საათის განმავლობაში ასაუბრებს და ჩვენს მხარეს არ ალაპარაკებს 15-20 წუთი. პროკურორებს არ აძლევს იმის უფლებას, რისი უფლებაც მათ კანონით აქვთ. პირადად მე ორჯერ გამომიშვა სასამართლო პროცესიდან და რის გამო ისიც არ ვიცი. ამ ფაქტს ჩვენ აუცილებლად გავასაჩივრებთ“, - განაცხადა რობაქიძემ.