ფინანსთა სამინისტროს საგამოძიებო სამსახურში ანტონ ვან დეიკის ტილოს ყოფილ მფლობელის ეკა აბაშიძის დაკითხვა რამდენიმე დღით გადაიდო.

როგორც „ნიუპოსტს“ საგამოძიებო სამსახურის პრესსამსახურის უფროსმა გიორგი გრძელიშვილმა განუცხადა, დაკითხვის გადადება თავად ეკა აბაშიძემ ითხოვა.

„ქალბატონმა ეკამ დოკუმენტაციის შესაგროვებლად დრო ითხოვა. რა მომენტშიც ექნება მას სრულად დოკუმენტაცია ხელთ, ჩვენ შევთანხმდით, რომ აუცილებლად შევხვდებით. ბატონი ჰუსეინოვი და ბატონი მახარაძე მობრძანდებიან საგამოძიებო სამსახურში. თუ იქნება სისხლის სამართლის დანაშაულის ნიშნები, ამის შემდეგ გადაწყდება, რა სახის რეაგირება იქნება ჩვენი მხრიდან,“ - განაცხადა ფინანსთა გრძელიშივილმა.

საგამოძიებო სამსახურში დღეს ზაჰირ ჰუსეინოვს და მალხაზ მახარაძეს ელოდებიან.