მედეა ვასაძის მძღოლს ქოლგის მოპარვაში ადანაშაულებენ. თუმცა როგორც დეპუტატი ამბობს, მისმა მძღოლმა ქოლგა უცხო პირისგან შეიძინა და მასში 30 ლარი გადაიხადა. ვასაძე ასევე არასწორს უწოდებს იმ ფაქტს, რომ სამართალდამცველებმა მისი მძღოლი დაკითხვაზე დედის პანაშვიდიდან წაიყვანეს.

„ჩემმა მძღოლმა თქვა, რომ სახლში მყავს მიცვალებული , სამშაბათს დავკრძალავ და ყველა კითხვაზე პასუხს გავცემო. მისი თქმით, ქოლგა უცხო პირისგან შეიძინა, გადაიხადა მასში 30 ლარი. გუშინ მოვიდნენ, პანაშვიდის დაწყების წინ წაიყვანეს და ღამის 11 საათამდე, ჭირისუფალი ვიდექით პოლიციის ქვეგანყოფილების წინ,“ - აცხადებს მედეა ვასაძე "რუსთავი2"-თან საუბრისას.