მთავარ პროკურატურაში დღეს ე.წ. კოკაინის საქმეზე დაკავებული ანასტასია ზაუტაშვილის ადვოკატი განცხადებას შეიტანს, სადაც მსჯავრდებულის მოთხოვნებზეა საუბარი.

როგორც ადვოკატი ამბობს, თუ ზაუტაშვილის მოთხოვნები არ დაკმაყოფილდა, იგი შიმშილობას დაიწყებს.

„ელისაშვილმა განაცხადა, რომ ის არ დაასახელებს იმ პირს, რომლისგანაც ცნობილი გახდა კორუფციული გარიგებების არსებიბის შესახებ. შესაბამისად, ის უარს იძახის ჩვენების მიცემაზე. ამიტომ ეს დანაშაული სახეზეა და პროკურატურას ვთხოვთ სწრაფად რეაგირებას. მეორე, ატყდა ერთი ამბავი, რომ ელისაშვილს მისწერა ვიღაცამ მესიჯი. ამ ფონზე ბატონი ელისაშვილი თავად დადის პროკურატურაში, რომ კონკრეტულ ადამიანებს სისხლის სამართლის საქმეები მოუგვაროს“, - ამბობს ადვოკატი მირიან ნიკოლაძე "კურიერთან" საუბრის დროს.

ე.წ. კოკაინის საქმეზე მსჯავრდებული პროკურატურას სამ მოთხოვნას უყენებს და ერთკვირიან ვადაში შეუსრულებლობის შემთხვევაში, უვადო შიმშილობის დაწყებით იმუქრება.