ვან დეიკის ტილოს სკანდალი გრძელდება - საქმით ფინანსური პოლიცია დაინტერსდა

სამართალი - 12:28, 10 Jan, 2016

2263

ოფიციალური ინფორმაციით, საქართველოში ამ საქმესთან დაკავშირებით გამოძიება არ დაწყებულა, თუმცა კურიერის ინფორმაციით, ეკატერინე აბაშიძე ფინანსურ პოლიციაში დაიბარეს. როგორც აბაშიძე აცხადებს, ის გამოკითხვაზე დაბარებული. ქალბატონი აცხადებს, რომ ის მზად არის მიაწოდოს გამოძიებას ვან დეიკის ტილოსთან დაკავშირებული მასალები. ეკატერინე აბაშიძე ამტკიცებს, რომ ტილო მათ ოჯახს ეკუთვნის და წლების განმავლობაში მათთან ინახებოდა. აბაშიძემ ფინანსურ პოლიციაში მიიტანა სასამართლოდ გადაწყვეტილება, რომლითაც მისი თქმით, დასტურდება ის, რომ ტილო 2010 წელს ოჯახმა გაყიდა, ეკატერინე აბაშიძეს ხელთ აქვს ხელშეკრულება ზაჰირ ჰუსეინოვთან გაფორმებული და ასევე სასამართლოს გადაწყვეტილება, რომლითაც დასტურდება რომ ჰუსეინოვმა მის ოჯახს ტილოს გაყიდვიდან თანხის მხოლოდ ნაწილი გადაუხადა. ,,ვუჩივით ჰუსეინოვს, რომელმაც ჩენ მოგვცა რაღაც თანხა. თაღლითობით წაიღეს ეს ტილო და თანხა არ გადაგვიხადეს“ - განუცხადა კურიერს ეკატერინე აბაშიძემ.

ვან დეიკის ტილოს შეძენას ადასტურებს ეკატერინე აბაშიძის ძმიშვილი, რომელმაც კურიერს განუცხადა, რომ სწორედ მამამისმა შეიძინა 15 წლის წინ. რეზი აბაშიძე ამბობს, რომ მას არ ჰქონდა ინფორმაცია, თუ რა ღირებულების იყოს ტილო და ვის ეკუთვნოდა, რევაზ აბაშიძემ არც ის იცის თუ ვისგან შეიძინა წლების წინ მამამისმა გიორგი აბაშიძემ ვან დეიკის აღნიშნული ტილო.