იმ უწყებების ნუსხას, რომელთა ხელმძღვანელებსაც ჯილდოდ იარაღის გადაცემის უფლება ჰქონდათ სუს-იც დაემატა. ამის შესახებ შს მინისტრმა მთავრობის სხდომის დასრულების შემდეგ განაცხადა.

მისი ინფორმაციით, შესაბამისი ცვლილება "სამოქალაქო ან სამსახურებრივ საშტატო იარაღის ჯილდოდ გადაცემის წესის დამტკიცების შესახებ" დადგენილებაში შევიდა.

"განსაზღვრული იყო ის უწყებები, რომელთა ხელმძღვანელებსაც ჯილდოდ იარაღის გადაცემის უფლება აქვთ. ამ ნუსხას დაემატა კიდევ ერთი სახელმწიფო უსაფრთხოების სამსახური," - განაცხადა მღებრიშვილმა.