ყოფილი გუბერნატორის დავით კირკიტაძის ძმა ირაკლი კირკიტაძე მის დაკავებას პროვოკაციად აფასებს. როგორც კირკიტაძემ დღეს გამართულ სასამართლო პროცესზე განაცხადა, პროკურატურა მის დაკავებას პოლიტიკური მიზნებისთვის იყენებს.

"ეს იყო დაგეგმილი პროვოკაცია, რომელიც დაგეგმა პოლიციამ, რომ ქულები ჩაეწერათ ხელმძღვანელობის თვალში. 2012 წლის შემდეგ ჩემზე და ჩემს ოჯახზე პოლიტიკური დევნა ხორციელდება. მამაჩემის და ჩემი ძმის მიმართ აღძრულია საქმე. მეც დაკითხული ვარ სხვადსხვა საქმეზე 6-ჯერ. ამ ხნის განმავლობაში 3-ჯერ გადავკვეთე საზღვარი და სამივეჯერ დავბრუნდი. ახლა მესამე საქმე არის ეს და ალბათ მიაღწევენ შედეგს,"-აცხადებს ირაკლი კირკიტაძე.

ამ წუთებში საქალაქო სასამართლო ირაკლი კირკიტაძის აღკვეთის ღონისძიების საკითხზე მსჯელობს. როგორც ცნობილია, პროკურატურა კირკიტაძის მიმართ აღკვეთის ღონისძიებად პატიმრობის გამოყენებას მოითხოვს.