ცხინვალის მარიონეტული რეჯიმი დღეს დე-ფაქტო საზღვარს ჩაკეტავს

სამართალი - 10:33, 31 Dec, 2015

1444

ცხინვალის მარიონეტული რეჯიმი დღეს და 1-ელ იანვარს დე-ფაქტო საზღვარს ჩაკეტავს.
"სპუტნიკ-ოსეტია" იტყობინება, რომ ე.წ. სახელმწიფო უსაფრთხოების კომიტეტის ხელმძღვანელის მოადგილე ედუარდ ჯაბიევმა აღნიშნა, რომ 09:00-დან 21:00-მდე საზღვრის დროებითი გადაკვეთის ადგილებში მოქალაქეების გატარება არ განხორციელდება.
რაც შეეხება დე-ფაქტო საზღვარს ჩაკეტავის გადაწყვეტილების მიზეზებს, როგორც ედუარდ ჯაბიევმა აღნიშნა, ეს გადაწყვეტილება "საქართველოს ტერიტორიაზე ისლამური სახელმწიფოს მებრძოლთა ყოფნის შესახებ" ინფორმაციას უკავშირდება.
მარიონეტული რეჟიმის წარმომადგენლები ირწმუნებიან, რომ საახალწლო დღესასწაულების პერიოდში "ისლამური სახელმწიფოს" წევრები ე.წ. საზღვარზე პროვოკაციებს გეგმავენ.
განცხაება დე-ფაქტო საზღვარს ჩაკეტავის შესახებ ოკუპირებული ცხინვალის რეგიონის დე ფაქტო პრეზიდენტმაც გააკეთა.
"ჩვენი რესპუბლიკის უშიშროების სამსახურები მუდმივ მზადყოფნაში უნდა იყონ იმ ინფორმაციის გათვალისწინებით, რომ საქართველოს ტერიტორიაზე "ისლამური სახელმწიფოს" მებრძოლები იმყოფებიან", - განაცხადა თიბილოვმა.
ამავე კონტექსტში ცხინვალის რეგიონის დე ფაქტო პრეზიდენტმა აღნიშნა, რომ რუსეთი გლობალური უსაფრთხოების გაძლიერებისთვის საჭირო ზომებს აქტიურად იღებს.
თიბილოვის განცხადებით, ტერორისტულ ორგანიზაცია "ისლამურ სახელმწიფოსთან" წარმატებულ ბრძოლას ახორციელებს.