„სამართალდამცველთა დაცვის ლიგა“ თელავში მოკლული პოლიციის კაპიტნის გელა ლამაზოშვილის ოჯახს, კოლეგებსა და ახლობლებს უსამძიმრებს. აღნიშნულთან დაკავშირებით სდლ განცხადებას „ფეისბუქის“ გვერდზე ავრცელებს.

მათი ინფორმაციით, დაჭრილი პოლიციელი ამ წუთებში თბილისში გადმოჰყავთ,

„ღრმა მწუხარებას გამოვთქვამთ და ვუსამძიმრებთ დღეს თელავში მოკლული პოლიციის კაპიტნის გელა ლამაზოშვილის ოჯახს, კოლეგებსა და ახლობლებს. დაჭრილ პოლიციელს მაია ჯავახიშვილს გამოჯანმრთელებას ვუსურვებთ. ჩვენთვის ცნობილია, რომ ჯავახიშვილი ამ წუთებში თბილისში გადმოჰყავთ, რადგან მას გადაუდებელი ოპერაცია ჩაუტარდეს. ვუსამძიმრებთ ყველა მოქმედ თუ ყოფილ პოლიციელს. ეს არის უდიდესი ტრაგედია. ვუსურვებთ ყველა ოფიცერს მშვიდობიან წელს.

არსებული ინფორმაციით, ერთი პოლიციელის მკვლელობაში და ერთის დაჭრაში ბრალდებული პირი სამართალდამცველებმა უკვე დააკავეს“, - ნათქვამია განცხადებაში.