ადვოკატ გიორგი მდინარაძის ცემის ფაქტზე დაკავებული პოლიციის განყოფილების უფროსი ლაშა კვირკვაია 10 000 ლარის გირაოს სანაცვლოდ გათავისუფლდება. კვირკვაია საპატიმროს თანხის გადახდის შემდეგ დატოვებს.

გადაწყვეტილება საქალაქო სასამართლომ რამდენიმე წუთის წინ მიიღო.

შეგახსენებთ, ადვოკატ გიორგი მდინარაძის ცემის ფაქტზე ბრალდებული შს სამინისტროს ვაკე-საბურთალოს სამმართველოს მე-5 განყოფილების უფროსი ლაშა კვირკვაია ერთი თვის წინ დააკავეს. მას გიორგი მდინარაძე სამმართველოს თანამშრომლებს და უფროსს ცემაში ადანაშაულებდა. მისი ინფორმაციით, სამართალდამცველების გაღიზიანება იმ ფაქტმა გამოიწვია, რომ მან მისი დაცვის ქვეშ მყოფს დუმილის უფლების გამოყენება ურჩია. მომხდართან დაკავშირებით პროკურატურამ ძიება სისხლის სამართლის კოდექსის 333-ე მუხლის მესამე ნაწილით დაიწყო.