,,ამას ჩვენების მიცემა კი არა, მუშაობა უნდა“ - ზაზა ჭაია შს მინისტრს პასუხობს

სამართალი - 21:32, 28 Dec, 2015

2053

ბარბარე რაფალიანცის მკვლელობის საქმეზე შს მინისტრის განცხადებას ,,ნიუპოსტთან“ ზაზა ჭაიამ უპასუხა. კრიმინალური პოლიციის ყოფილი უფროსი მზად არის ჩაერთოს მუშაობაში, ოღონდ არა დაკითხვის სახით. ჭაიას თქმით, რაფალიანცის საქმე მოითხოვს გონივრულ საგამოძიებო-ოპერატიულ მუშაობას, რის შემდეგადაც რეალური ვერსია აუცილებლად გამოიკვეთება.

,,ამას ჩვენების მიცემა კი არ უნდა არამედ, მუშაობა უნდა, საგამოძიებო-ოპერატიული და ტექნიკური ღინისძიებების კომპლექსის გეგმაზომიერი და გონივრული გატარება. ოპერატიული თანამშრომლის მიერ ჩვენების მიცემა არ შველის საქმის გახსნას. მე განვაცხადე, რომ გეგმაზომიერი სამძებრო ღონისძიებების შედეგად, შეიძლება, იმ მასალების დადება, რაც შემდეგ იქნება პროკურატურის გადასაწყვეტი და მისთვის გახდება ნათელი სურათი დაიდება, რომელიც საეჭვო აღარ გახდება.

რა თქმა უნდა, მე მზად ვარ ჩავერთო, ოღონდ არა დაკითხვის სახით. ამას უნდა გეგმაზომიერი მუშაობა. ამის შედეგად მე ღრმად ვარ დარწმუნებული, 60-70 დღის განმავლობაში მივალთ იმ ვერსიამდე, რომელიც იქნება საქმეზე ჭეშმარიტების დამდგენი“ - განაცხადა ზაზა ჭაიამ ,,ნიუპოსტთან“.

პარლამენტში, ზაზა ჭაიას განცხადებაზე დეპუტატის გივი თარგამაძის შეკითხვას პასუხი გასცა შს მინისტრმა. გიორგი მღებრიშვილის თქმით, ის მზად არის გაეცნოს კრიმინალური პოლიციის ყოფილი უფროსის მოსაზრებას.

,,რაც შეეხება ჭაიაას განხცხადებას, მე პირველად მესმის და მზად ვარ მოვიყვანოთ ეს ადამიანი და ელემენტარულად ჩვენება მაინც მოგვცეს“ - განაცხადა გიორგი მღებრიშვილმა.

კრიმინალური პოლიციის ყოფილი უფროსი, ზაზა ჭაია აცხადებს, რომ მისცენ სპეციალური ერთჯერადი საქმის გამოძიების უფლება და ის 60-70 დღეში პროკურატურას წარუდგენს რეალურ საგამოძიებო სურათს.