ფერაძის ქუჩაზე მომხდარი ტრაგედია 2015 წლის სისხლიან კვალად იქცა. მხარეები, ათასი დეტალი და დამნაშავის ძიება - ყველას საკუთარი ვერსია აქვს, თუმცა ყველასთვის გაუგებარია მკვლელობის მოტივი.

გაზეთ „პრაიმტაიმთან“ ინტერვიუში გარდაცვლილის მეზობლები ომარ ქაფიაშვილს დადებით პიროვნებად ახასიათებენ. მაგდასაც ყველა კარგ დედად მიიჩნევს, თუმცა ამბობენ, რომ ჩაკეტილი იყო და მეზობლებში ახლო დაქალები არ ჰყავდა.

მათი თქმით, იმ საღამოს მაგდას ქცევაში ერთი უცნაური დეტალიც შეიმჩნა.

„არასოდეს სხვისი ჭიქიდან წყალს არ სვამდა ხოლმე. ამ დროს კი იმდენად იყო შეშნინებული, რომ მეზობლის ჭიქა აიღო და წყალი დალია.... ამასთანავე შვილის ფოტოები არ უდევს „ფეისბუკში“. მაგდა ყოველთვის ჩაკეტილი იყო. ძალიანაც რომ გდომოდა საერთო ენას ვერ გამონახავდი“, - ამბობს გარდაცვლილის მეზობელი.

საინტერესოა ომარ ქაფიაშვვილის ბიძის ვერსიაც. მისი თქმით, საეჭვოა მაგდას დედის წარსულიც.

„როგორც ჩვენ გვითხრეს, მაგდას დედა ნაციხარია. თავის დროზე მაგდას მამაც მოკლეს და ეს სწორედ დედამისს ბრალდება“, - ამბობს ომარ ქაფიაშვილის ბიძა.

წყარო: "პრაიმტაიმი"