საქალაქო სასამართლოში ნაფიცი მსაჯულები გიორგი ოქროპირიძისთვის ვერდიქტის გამოსატანად ემზადებიან, ისინი სათათბიროდ რამდენიმე წუთში გავლენ.

ლაშა მახარაძის მკვლელობაში ბრალდებული გიორგი ოქროპირიძე ნაფიც მსაჯულებს მიმართავს და ალტერნატიული ვერდიქტის გამოტანას სთხოვს. იგი ბრალდებას უარყოფს და მახარაძის მკვლელს ასახელებს.

მისი თქმით, ლაშა მახარაძე ლადო ბერძენიშვილმა მოკლა და შემდეგ მომხდარის შესახებ მას უამბო.

„გთხოვთ გამოიტანოთ ვერდიქტი დანაშაულის შეუტყობინებლობის გამო. მზად ვარ სასჯელი ამ მუხლით მოვიხადო. კიდევ ერთხელ ვამბობ, მახარაძე მე არ მომილავს“, - განაცხადა ოქროპირიძემ.

ოქროპირიძის საქმეს ნაფიცი მსაჯულები განიხილავდნენ. ისინი ვერდიქტის გამოსატანად რამდენიმე წუთში გავლენ.